Uzbekistan Airways яна 8 та Boeing 787 Dreamliner самолётига буюртмани тасдиқлади
Буюртма қиймати ошган ҳолда миллий авиакомпания парки 2031 йилдан бошлаб 22 та Dreamliner билан тўлдирилади.
Boeing компанияси Uzbekistan Airways билан аввал мавжуд бўлган 8 та Boeing 787−9 Dreamliner учун опцион шартномаси энди қатъий буюртмага айлантирилганини маълум қилди. Шу билан авиакомпаниянинг умумий буюртмалари сони 22 тага етди. Самолётлар 2031-йилдан бошлаб етказиб берилиши режалаштирилган.
Шартномани тасдиқлаш маросими Вашингтонда ўтаётган C5+1 саммити доирасида АҚШ савдо вазири Ховард Латник ва Ўзбекистон инвестициялар, саноат ва савдо вазири Лазиз Қудратов иштирокида амалга оширилди.
Boeingнинг таъкидлашича, янги 787−9 самолётлари Uzbekistan Airways’га халқаро йўналишлар тармоғини кенгайтириш ва парвоз самарадорлигини ошириш имконини беради.
Эслатиб ўтамиз, аввалроқ Uzbekistan Airways 14 та 787−9 Dreamliner хариди бўйича битим тузган, яна 8 таси эса опцион сифатида белгиланган эди. Энди опцион ҳам асосий буюртмага айланди.
