Халқаро қидирувдаги ўзбекистонлик фуқаро ушланди
У камида 18 марта автомобилларга ўғирликка тушган.
Қозоғистоннинг Нур-Султон шаҳрида ўтказилган тезкор-қидирув тадбирлари давомида давлатлараро қидирувда бўлган 39 ёшли ўзбекистонлик қўлга олинди.
Аниқланишича, шахс 2017 йил декабридан 2018 йил апрелигача бўлган даврда уюшган гуруҳ таркибида Россиянинг Свердловск вилоятида юк автомобилларидан ўғирлик содир этган. Қўлга олинган фуқаро бошчилигидаги гуруҳ аъзолари ушбу давр мобайнида камида 18 марта автотранспорт воситаларидан яширин ўғирлик содир этган.
2019 йил июль ойида Россия Ички ишлар вазирлигининг Свердловск вилояти бўйича Бош бошқармаси гумонланувчини Россия Федерацияси Жиноят кодексининг 158-моддаси 4-қисмида назарда тутилган жиноятни содир этгани учун давлатлараро қидирувга берилган эди.
