Хитой яқин йиллар ичида ҳарбий қудрат бўйича АҚШ ва Россияни ортда қолдириши мумкин — Жон Хайтен

 

Хитой яқин йиллар ичида ҳарбий қудрат бўйича АҚШ ва Россияни ортда қолдириши мумкин. Бу ҳақда АҚШ қуролли кучлари штаб бошлиғи ўринбосари Жон Хайтен маълум қилган.

 

Хайтенга Вашингтон ҳарбий аналитиклар гуруҳи билан учрашув вақтида Россия эмас, балки Хитойнинг ҳарбий салоҳияти ўсиши АҚШ учун асосий таҳдидми, деган савол билан мурожаат қилишган.

 

“Россия ҳамон муқаррар таҳдид ҳисобланади. Чунки у 1550 ядро зарядига эга. Хитой эса бу рақамларнинг атиги 20 фоизига эгалик қилади”, – деган Хайтен.

 

Унинг фикрича, Россия ҳақида яқин истиқболда хавотирланиш керак. “Аммо бўлажак хавф – бу Хитой. Чунки Хитойнинг ҳарбий қурилишдаги ўсиши –  ақлбовар қилмас даражада. Уларнинг армияси турган нуқтага қарасак, АҚШ ва Россиядан ўзиб кетиши мумкин”, – дея қўшимча қилди генерал.

 

Шунингдек, Хайтеннинг фикрича, агар АҚШ иттифоқчиларсиз ҳаракат қилса, беш йилдан кейин муаммоли  вазият  бўлади.  Генерал бу билан нимани назарда тутганига аниқлик киритмаган.

 

Бундан аввал Жозеф Байден Хитой билан совуқ  урушни истамаслигини айтганди. Шунингдек, Хитой янги гипертовушли қурол синовини ўтказгани хабар қилинганди.

 

Жаҳонгир Қўзиев