Хоразмлик қиз ўзини чўктириб, жонига қасд қилмоқчи бўлди
Миллий гвардия ходимлари уни қутқариб қолган.
Бугун ижтимоий тармоқда Хоразм вилоятида номаълум шахс ўзини сувга ташлаб, жонига қасд қилмоқчи бўлгани акс этган видеолар тарқалди.
Маълумотларга кўра, ушбу ҳолат Урганч шаҳрининг Қайчили маҳалласи ҳудудида юз берган. Оилавий муаммолар сабаб қиз ўзини Шовот каналига ташлаб, ўлдирмоқчи бўлган.
Воқеадан хабар топган Миллий гвардия ходимлари дарҳол сувга тушиб, қизни қутқариб қолишга муваффақ бўлишган.
Ҳодиса айнан қачон юз бергани ҳозирча аниқ эмас, бу бўйича ҳали расмий муносабат билдирилмади.
