Янгиер шаҳрида “Спорт мажмуаси”га тегишли ер майдони сотиб юбормоқчи бўлган шахс ушланди
Ҳозирда фуқарога нисбатан жиноят иши очилган.
Янгиер шаҳрида “Спорт мажмуаси” қуриш учун ажратилган ер майдонининг ноқонуний сотилишини олди олинди, дея хабар бермоқда Иқтисодий жиноятларга қарши курашиш департаменти ахборот хизмати.
Маълум қилинишича, Департаментнинг Сирдарё вилояти бошқармаси ҳамда Янгиер шаҳар бўлими томонидан ўтказган тезкор тадбирда, фуқаро Ш.Н. ўзига “Шодлик” МФЙ ҳудудида “Спорт мажмуаси” қуриш учун ажратилган 18 сотих ер майдонини бошқа бир фуқаро Ш.га фирибгарлик йўли билан 70 млн сўмга сотишга келишиб, ушбу пулларни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
