Япония Россия устидан Халқаро жиноий судига мурожаат қилди
Токио Москвани Украинага нисбатан куч ишлатганликда айбламоқда.
Япония ҳукумати Украина ҳудудида содир бўлаётган воқеалар юзасидан Гаагадаги Халқаро жиноий судга мурожаат қилди. Бу ҳақда Япония ташқи ишлар вазирлиги тарқатган баёнотда айтилди.
"Россиянинг Украина ҳудудидаги ҳарбий ҳаракатлари минтақадаги статус-квони куч билан ўзгартиришга уринишдир, улар жаҳон тартиби асосларига путур етказади. Бундай ҳаракатлар халқаро ҳуқуқнинг мутлақо қабул қилиб бўлмайдиган бузилиши ҳисобланади. Шу муносабат билан биз Украинадаги вазият бўйича ХЖСга терговни қўллаб-қувватлашимизни кўрсатиш учун мурожаат қилдик", — дейилади вазирлик баёнотида.
3 март куни Хақаро жиноий суди прокуратураси Украина ҳудудида содир этилган эҳтимолий жиноятларни текширишга киришган эди.
