ЮНEСКО ташкилоти Самарқанд шаҳрида 30 октябрь - 14 ноябрь кунлари бўлиб ўтган 43-Бош конференциянинг юқори савияда ташкил этилгани учун Ўзбекистонга миннатдорлик билдирди.
Ташкилот ўз мурожаатида Ўзбекистон халқи ва ҳукуматига, хусусан, Президент Шавкат Мирзиёевга Бош конференцияни ўтказишда кўрсатган ёрдами, эътибори ва шахсий иштироки учун самимий ва чуқур миннатдорчилик изҳор этди.
Шунингдек, ЮНEСКО Ўзбекистон томонидан барча аъзо давлатлар, ассоциациялашган аъзолар ва кузатувчиларнинг тўлиқ иштирокини таъминлашга қаратилган саъй-ҳаракатларни юксак баҳолади.
Ташкилот ўз мурожаатида Ўзбекистоннинг қадимий маданий мероси ва бой цивилизацияси конференция иштирокчилари ўртасида дўстлик ва уйғунлик руҳини мустаҳкамлашга катта ҳисса қўшганини алоҳида таъкидлади.
Мурожаат якунида ЮНEСКО Ўзбекистон халқи ва ҳукуматига дўстлик ва ўзаро ҳурмат изҳор этиб, ташкилот билан ҳамкорликнинг янада ривожланишига ишонч билдирди.