21 февраль куни соат 19:50 ларда Тошкент шаҳар Юнусобод тумани, Амир Темур кўчасида йўл-транспорт ҳодисаси содир бўлди. 1992 йилда туғилган M.L. бошқарувидаги Cobalt русумли автомобиль тартибга солинмаган пиёдалар йўлакчасидан ўтаётган фуқарони уриб юборган.
Ҳодиса оқибатида жабрланган пиёда шифохонага етказилиб, унга биринчи тез тиббий ёрдам кўрсатилган.
Айни пайтда мазкур ҳолат юзасидан Тошкент шаҳар ИИББ ЙҲХБ томонидан терговга қадар суриштирув ишлари олиб борилмоқда.