Bugun tunda Yevro-2020ning birinchi yarim final o‘yini bo‘lib o‘tadi.
Unda musobaqa chempionligiga asosiy daʼvogarlar Ispaniya va Italiya jamoalari to‘qnash kelishadi.
Italiya yarim himoyachisi Nikolo Barella ushbu o‘yin haqida o‘z fikrlarini bildirdi. «Yevropa chempionatida g‘olib chiqqan Ispaniya ajoyib yarim himoyachilar va Xavi, Inyesta kabi chempionlarga ega. Ular nafaqat meni, balki barchani ilhomlantiradi. Bugungi kunda jamoada Buskets bor, u ko‘p yillar dunyoning eng yaxshi yarim himoyachilari qatorida bo‘lib kelgan. Verratti va Jorjinio - jamoamiz o‘yinini boshqaradigan ikkita fenomenal futbolchi. Jorjinio kamdan-kam hollarda xatolarga yo‘l qo‘yadi va har qanday vaziyatda to‘g‘ri yo‘lni topadi».
