Yaponiyaning Atami shahrida ko‘chki va toshqindan keyingi qidiruv-qutqaruv ishlari davom etmoqda
Xabar qilinishicha, taxminan 80 kishi vayronalar ostida qolgan bo‘lishi mumkin.
Qutqaruv-qidiruv operatsiyasida 1500 ga yaqin qutqaruvchi ishtirok etayotgani xabar qilingan. Hozirga qadar 3 nafar insonning o‘limi tasdiqlangan. Taxminan 130 ta uy ofatdan zarar ko‘rdi. Eslatib o‘tamiz, Atami shahrida shanba kuni ertalab kuchli yomg‘irdan keyin ko‘chki sodir bo‘lgan edi. Toshlar va loy oqimi shahar ko‘chalari bo‘ylab ikki kilometrga harakatlandi. Tabiiy ofat zonasidan evakuatsiya qilingan aholi maxsus markazlar va maktab binolariga joylashtirilgan.
