Saudiya taraqqiyot jamg‘armasi O‘zbekiston maktabgacha taʼlim sohasi uchun qariyb $11 mln ajratadi
Vazirlar Mahkamasi 3 iyul kuni «Saudiya taraqqiyot jamg‘armasi ishtirokida «Maktabgacha taʼlim sohasida davlat-xususiy sheriklikni qo‘llab-quvvatlash loyihasi»ni amalga oshirish chora-tadbirlari to‘g‘risida» gi qarorini qabul qildi.
2020 yil 17 dekabrda O‘zbekiston hukumati va Saudiya taraqqiyot jamg‘armasi (STJ) o‘rtasida «Maktabgacha taʼlim sohasida davlat-xususiy sheriklikni qo‘llab-quvvatlash» loyihasini moliyalashtirish uchun yillik 2 foiz stavkada 5 yillik imtiyozli davr bilan 20 yillik muddatga 10,9 mln AQSH dollari ekvivalentidagi qredit bitimi imzolangan.
Hujjat bilan «Maktabgacha taʼlim sohasida davlat-xususiy sherikligini qo‘llab-quvvatlash» loyihasining asosiy texnik-iqtisodiy ko‘rsatkichlari va loyiha bo‘yicha asosiy qarz va foizlarni to‘lashning prognoz jadvali tasdiqlandi.
