Toshkent viloyatida kredit qarzi sabab Volkswagen xatlandi
Maʼlum bo‘lishicha, fuqaro 843 mln qarziga beparvo munosabatda bo‘lgan.
Majburiy ijro byurosining Toshkent viloyati boshqarmasi Qidiruv shoʻbasi ish yurituvida bo‘lgan ijro ishi doirasida qarzdor l.K.ning kredit majburiyatlari bo‘yicha qarzdorligi mavjudligi aniqlandi. Qarzdorlikni undirish va ijro hujjati talablarini taʼminlash maqsadida qarzdorga tegishli avtotransport vositasi belgilangan tartibda xatlovga olindi.
Mazkur chora kredit qarzdorligini qoplash, undiruvni taʼminlash hamda ijro hujjati talablarini amalda bajarishga qaratilgan. Qarzdorlik belgilangan tartibda bartaraf etilmagan taqdirda, qonunchilikda nazarda tutilgan boshqa majburiy ijro choralari ham qo‘llanilishi mumkin.
Kredit — bu nafaqat mablag‘, balki o‘z vaqtida bajarilishi lozim bo‘lgan moliyaviy majburiyatdir. Shu bois fuqarolarga kredit to‘lovlarini o‘z vaqtida amalga oshirish va qarzdorlikning ortib ketishiga yo‘l qo‘ymaslik tavsiya etiladi.
