Rossiya yana O‘zbekistondan sabzavotlar importini chekladi. Bu birinchi marta emas
Rossiyaga O‘zbekistondan pomidor va qalampir kirishi cheklandi.
Bu haqda Rosselxoznadzor saytida maʼlum qilindi. Tashkilot maʼlumotlariga ko‘ra 15 iyuldan boshlab Buxoro viloyatida yetishtirilgan pomidor va qalampir Rossiyaga vaqtinchalik kiritilmaydi. bunga sabab qilib pomidorlarda jigarrang bujmayish kasalligi ((Tomato brown fruit virus) (ToBRFV)aniqlanganligi ko‘rsatilgan. Hozirda Rossiyaga jo‘natilgan mahsulotlar esa karantin fitosanitariya ekspertizasidan so‘ng olib kirilishiga ruxsat beriladi.
Ushbu virus hosilning 70-80 foizigacha, baʼzi xollarda to‘liq yo‘qotilishiga olib keladi. Kasallik urug‘, hosil va ko‘chatlar orqali tarqaladi.
Eslatib o‘tamiz 2020 kuzida Rossiya shu virus aniqlanganligi tufayli Farg‘onada yetishtirilgan pomidor importini cheklab qo‘ygan, keyinchalik bu tartib bekor qilingandi.
