Toshkentda o‘tkazilayotgan xalqaro konferensiya yakuniga yetgach qatʼiy karantin joriy etiladimi?
Kecha COVID-19‘ga qarshi kurash doirasida qilinayotgan ishlar, emlash jarayonidagi muhim vazifalar mavzusida brifing bo‘lib o‘tdi.
Unda karantin eʼlon qilishi mumkinligi haqida tarqalgan gap-so‘zlar asossizligi va karantin qoidalari kuchaytirilishiga asos paydo bo‘lsa albatta kuchaytirilishi haqida so‘z bordi.
Kasallik nega aynan o‘tgan yildagidek iyun-iyul oylarida kuchaymoqda. Bu kunlar isishi bilan bog‘liqmi?
Baʼzi viruslar qishda tarqaladi, baʼzi viruslar yozda. Koronavirus infeksiyasiga eʼtibor bergan bo‘lsak, bu virus mavsumiylikni tanlamaydi.
Kasallik tarqalishi to‘lqinlar bilan bog‘liq, bu degani kasallik tarqalishi yozga to‘g‘ri kelsa yozda ko‘payadi, deya taʼkidlandi brifingda.
