Olimpiya qishlog‘ida koronavirusga chalingan bemor aniqlandi
Tokiodagi Olimpiya qishlog‘ida bugun birinchi COVID-19 bemori ro‘yxatga olindi.
Bu haqda Olimpiya o‘yinlari tashkiliy qo‘mitasi xabar bermoqda.
Tokio-2020 tashkiliy qo‘mitasi bosh direktori Tosiro Muto Olimpiada tashkilotchilari tarkibidagi chet el fuqarosining testi ijobiy natija berganini eʼlon qildi, ammo u bemorning ismi va millatini ochiqlamadi.
Tashkiliy qo‘mita maʼlumotiga ko‘ra, 1 iyuldan beri Olimpiya o‘yinlariga aloqador bo‘lgan 45 kishining testida ijobiy natija chiqqan.
Bugun yana 15 kishida virus aniqlangan. Ulardan yetti nafari xodimlar, olti nafari delegatsiya tarkibida va yana ikki nafari jurnalistlardir.
Oldinroq Xalqaro Olimpiya Qo‘mitasi prezidenti Tomas Bax Yaponiya bosh vaziri Yosixide Suga bilan uchrashib, undan musobaqalarga tomoshabinlarni kiritishni so‘ragani haqida xabar bergan edik.
