Yangi O‘zbekiston universiteti kontrakt summasi hozircha tasdiqlanmagan. Undan ham qimmat bo‘lishi mumkin

 

Yaqinda Yangi O‘zbekiston universiteti kontrakt summasi eʼlon qilingandi. Universitet kontrakt narxi 1 yilda mahalliy talabalarga 49 mln 700 ming so‘m, xorijiy talabalarga 10 ming dollar etib belgilangan.

Prezident taʼlim muassasalari agentligi rahbari Hilola Umarova bu raqamlar tasdiqlanmaganini aytdi. Unga ko‘ra, saytda berilgan maʼlumot to‘g‘ri emas.

“Hisob-kitob bo‘yicha to‘lov-kontrakt miqdori balki undan ham qimmat bo‘lishi mumkin. Chunki Yangi O‘zbekiston universitetiga top darajadagi oliygohlar ishlatadigan dastur kelyapti. Kontrakt miqdori aytilgan summadan ham balandroq bo‘lishi mumkin, balki pastroq bo‘lar, aniq emas”, dedi Hilola Umarova 23 iyul kuni bo‘lib o‘tgan matbuot anjumanida.