Tokio-2020: Ikkinchi kun dasturlarida hamyurtlarimizning ishtiroki

Bugun Tokio-2020 Olimpiya o‘yinlarining ikkinchi kuni. Ushbu kun dasturida delegatsiyamizning 11 nafar vakili ishtirok etadi. Quyida hamyurtlarimizning ishtiroki bilan bog‘liq ma’lumotlarni kuzatib borishingiz mumkin:

06:10. Akademik eshkak eshish. Shahboz Xolmirzayev va Sobir Safaraliyev. Yengil qayiqdagi juftlik bahslarida ishtirok etayotgan vakillarimiz ushbu bosqichda ham to‘rtinchi natijani qayd etishdi. Endilikda ular 13-18 o‘rinlar uchun kurashni davom ettirishadi.

06:15. Taekvondo, -68 kg: Ulug‘bek Rashitov. Dastlabki saralash bosqichida hamyurtimizga malilik Seydu Mofana raqiblik qildi. Murosasiz kechgan jangda vakilimiz 38:17 hisobida g‘alaba qozonib, chorak finalga yo‘l oldi. Hamyurtimiz yarim final yo‘llanmasi uchun 3 karra jahon chempioni, Olimpiya o‘yinlarining 2 karra sovrindori janubiy koreyalik Li De Xunga qarshi dayanga chiqadi.

07:00. Boks, -51 kg: Tursunoy Rahimova – Sandra Drabik (Polsha). -51 kg vazn toifasida ringga ko‘tarilgan vakilimiz polshalik Sandra Drabikka qarshi bahs olib bordi. Qiziqarli kechgan bahsda chiroyli jang o‘tkazgan Rahimova raqibasi ustidan irodali g‘alabaga erishdi. Shu tariqa Rahimova Olimpiya o‘yinlarida g‘alabaga erishgan ilk bokschi qizimiz sifatida tarixga kirmoqda. Uning keyingi bosqichdagi raqibasi turkiyalik Buse Naz Chakiroo‘g‘lu bo‘ladi.

07:30. Dzyudo. Diyora Keldiyorova – Soserbaram Lxagvasuren (Mo‘g‘iliston)

Sardor Nurillayev – Denis Viyeru (Moldova)

09:00. Veloshosse, guruh poygasi: Olga Zabelinskaya 137 km

13:05. Sport gimnastikasi. Saralash, tayanib sakrash: Oksana Chusovitina

14:20. Boks, -63 kg: Elnur Abduraimov – Chinzorig Batarsux (Mo‘g‘iliston)

15:50. Og‘ir atletika, -67 kg: Adhamjon Ergashev

16:45. Boks, -81 kg: Dilshod Ro‘zmetov – Emmet Brennan (Irlandiya)