Husanov ro‘yxatda yo‘q: Kannavaro O‘zbekiston MTJning noyabr oyidagi o‘yinlari uchun tarkibni e’lon qildi

O‘zbekiston milliy terma jamoasi bosh murabbiyi Fabio Kannavaro noyabr oyidagi FIFA kunlari doirasida o‘tkaziladigan uchrashuvlar uchun qaydnomaga kiritilgan futbolchilar ro‘yxatini e’lon qildi.

 

Darvozabonlar: Abduvohid Nematov («Nasaf»), Vladimir Nazarov («Paxtakor»), Edem Nemanov («Dinamo» Samarqand), Samandar Muratbayev («Nasaf»).

 

Himoyachilar: Rustamjon Ashurmatov («Istiqlol», Eron), Jahongir O‘rozov («Rubin», Rossiya), Behruzjon Karimov («Lugano», Shveysariya), Sherzod Nasrullayev («Paxtakor»), Muhammadrasul Abdumajidov («Paxtakor»), G‘iyosjon Rizaqulov («Qizilqum»), Mahmudjon Mahamadjonov («Dinamo» Maxachqal’a, Rossiya), Dilshod Murtozoyev («Nasaf»).

 

Yarim himoyachilar: Odiljon Hamrobekov («Traktor», Eron), Azizbek Tulqunbekov («Bunyodkor»), Akmal Mozgovoy («Paxtakor»), Azizjon G‘aniyev («Baniyas», BAA), Sherzod Esanov («Buxoro»), Umarali Rahmonaliyev («Sabah», Ozarbayjon), Diyor Xolmatov («Navbahor»), Behruz O‘ktamov («Surxon»), Abrorbek Ismoilov («Neftchi»), Dostonbek Hamdamov («Paxtakor»), Ruslan Jiyanov («Navbahor»), Jasur Jaloliddinov («Navbahor»), Abbos Fayzullayev («Istanbul Bashakshexir», Turkiya), Nodir Abdurazzoqov (OKMK), Aziz Xolmurodov (OKMK).

 

Hujumchilar: Eldor Shomurodov («Istanbul Bashakshexir», Turkiya), Husayn Norchayev («Navbahor»), Azizbek Amonov («Dinamo» Samarqand).

 

Qaydnomada himoyachi Abduqodir Husanov yo‘q. Terma jamoa murabbiylar va tibbiy shtabi futbolchining jismoniy holatini inobatga olib, tiklanish jarayonini davom ettirishi uchun uni noyabr yig‘iniga jalb qilmaslikka qaror qilgan.

 

Shuningdek, Eldor Shomurodov oilaviy sabablarga ko‘ra yig‘inning dastlabki kunlarida jamoa ixtiyorida bo‘lmaydi.

 

O‘zbekiston terma jamoasi noyabr oyida ikkita o‘rtoqlik uchrashuvida maydonga tushadi. Kannavaro shogirdlari 12-noyabr kuni Toshkentda Rossiya terma jamoasini qabul qiladi. Uchrashuv «Paxtakor» stadionida soat 20:00 da boshlanadi.

 

17-noyabr kuni esa O‘zbekiston Qatarning Doha shahrida Saudiya Arabistoni terma jamoasiga qarshi bahs olib boradi. Uchrashuv soat 20:30 ga belgilangan.