“Moderna” endi ikki dozada qabul qilinmaydi
“Moderna” uchinchi doza vaksinani olish zarurligini maʼlum qildi. Bu haqda kompaniyaning ikkinchi chorak bo‘yicha moliyaviy hisobotida qayd etildi.
Kompaniyaning taʼkidlashicha, bu Covid-19 ning yangi shtammlariga qarshi immunitet hosil qilishda muhim hisoblanadi. Uchinchi doza to‘liq emlashdan olti oy o‘tgandan keyin qilinishi zarur. Shu kungacha “Moderna” 2 dozada qabul qilinayotgan edi.
Moliyaviy hisobotga ko‘ra, kompaniya ikkinchi chorakda jami 4.4milliard dollar daromad qilgan, shundan 2.8milliard dollar sof foyda hisoblanadi. So‘nggi 3 oyda 200 million, yil boshidan buyon esa 302 million doza “Moderna” sotilgan, bu kompaniyaga olti oyda 5.9 milliard dollar foyda keltirgan.
Ishlab chiqaruvchi 2021 yil uchun jami 20 milliard dollarlik shartnoma imzolagan. Shu bilan birga 2022 yil uchun qo‘shimcha 12milliardlik shartnoma mavjud.
