Axsikentdan noyob ko‘za topildi
Axsikentda arxeologlar tomonida noyob ko‘za topildi. Bu haqda Namangan viloyati Media departamenti rahbari Anvar Ikromov Zamon.uz‘ga maʼlum qildi.
Aniqlanishicha, yoshi 1100-1200 yil deya aytilayotgan bu mitti idishda tabiblar o‘z mahsulotlarini saqlangan. Axsi kulolchilik maktabining noyob namunasi bo‘lgan bu ashyo Abu Ali Ibn Sino yashagan davrda mansub.
U ayni paytda Axsi sayyidlari ilmiy-maʼrifiy majmuasi tarkibidagi Axsi osori-atiqalar muzeyida saqlanmoqda.
Eslatib o‘tamiz, avvalroq buxorodagi masjid shiftidan noyob bitik topilgani va Amirsoydan dafn marosimi anjomlari topilgani haqida xabar berilgandi.
