“Barcelona” qarzi 1,35 milliard yevroga yetgani maʼlum bo‘ldi
“Barcelona” klubi 2020-2021 yillarda 481 million yevro yo‘qotgan. Uning ayni paytdagi moliyaviy holati 451 million yevroni tashkil etadi.
Murabbiy shu bois “Barcelona” futbolchilari bilan muzokara olib borish qiyinlashgani, bu holat oxir-oqibat Lionel Messining ketishiga olib kelganini aytdi. Prezident bunda klubning avvalgi maʼmuriyatini aybladi.
"Bizning maoshimiz klub umumiy daromadining 103 foizini tashkil qiladi, raqobatchilarimizdan 20-25 foiz kam", — dedi Laporta dushanba kuni o‘tkazilgan matbuot anjumanida.
Laporta klubning og‘ir moliyaviy ahvoli haqida gapirar ekan, o‘zidan oldingi Xosep Bartomeuni yolg‘onchilikda aybladi. Joanning fikricha sobiq direktorlar kengashi javobgarlikka tortilishi kerak. Eslatib o‘tamiz, Bartomeu o‘tgan yili moliyaviy qiyinchiliklar tufayli isteʼfoga chiqqani eʼlon qilingan edi. Jamoa sobiq direktori ijtimoiy tarmoqdagi sahifasida u hech qanday qonunbuzarlikka yo‘l qo‘ymaganini yozgan.
“Barcelona” qarzining qariyb 390 million yevrosi futbolchilar maoshi, 670 million yevrodan ko‘prog‘i bank qarzlari, qolgan 40 million yevro esa aʼzolik yo‘qotishlari bilan bog‘liq. Laportaning aytishicha, “COVID-19“ pandemiyasi klubga 91 million yevro zarar yetkazgan.
Laporta jamoa oylik maoshini qariyb 200 million yevroga qisqartirmoqchi va yosh futbolchilarni rag‘batlantirishga alohida eʼtibor qaratmoqchi ekanini aytdi. “Barselona” shu yilning yozida Serxio Aguero, Memfis Depay va Erik Garsiya kabi mashhur futbolchilarni sotib oldi. Ammo klub Messini boy berdi.
Murod Bahodirov
