O‘zbekistonga 18 avgust kuni Eron hududidan nisbatan issiq havo kirib kelishi kuzatiladi

 

18-avgust kunduz kuni O‘zbekiston hududiga Eron hududlaridan nisbatan issiq havo kirib kelishi qaytadan boshlanadi. Bu haqda O‘zgidromet xabar berdi.

 

Xabarga ko‘ra, respublika bo‘yicha kam bulutli ob-havo saqlanib turadi, yog‘ingarchilik kutilmaydi. Shimol va cho‘l hududlarining baʼzi joylarida shamol 15-20 m/s gacha kuchayishi mumkin. Harorat 33-38 darajagacha ko‘tariladi.

 

Qayd etilishicha, poytaxtda quyoshli bo‘ladi. Havo 33-35 darajagacha isiydi.

 

Bundan tashqari, tog‘li hududlarda yog‘ingarchilik kutilmaydi. Shamol 7-12 m/s tezlikda esadi. Harorat 22-27 darajada bo‘ladi.