Nyu-Yorkda favqulodda holat eʼlon qilindi
Nyu-York gubernatori Endryu Kuomo Genri bo‘roni yaqinlashayotgani uchun shaharda favqulodda holat eʼlon qildi.
Yomon ob-havo tufayli rasmiylar Ozodlik haykalini ham jamoatchilikka yopib qo‘ydi. Bo‘ron vaqtida shamolning tezligi taxminan soatiga 128 kilometrga yetishi kutilmoqda.
"Men Genri bo‘roni tufayli favqulodda holat eʼlon qildim. Milliy gvardiyaning 500 askari safarbar qilindi va davlat resurslari bo‘ronga javob berishga tayyor", —deb yozadi gubernator ijtimoiy tarmoqdagi sahifasida.
Eslatib o‘tamiz, AQSHning Shimoliy Karolina shtatida Fred tropik bo‘roni tufayli kelib chiqqan toshqinda kamida 35 kishi bedarak yo‘qolgan.
