Jerar Pike faoliyatini qayerda yakunlashini ma'lum qildi
“Barselona” himoyachisi Jerar Pike joriy mavsum oxirida professional faoliyatini “Barselona”da tugatishi mumkin. Bu haqda “Goal.com” nashri maʼlum qildi.
Xabarga ko‘ra, Pike uchun 2021-2022 yilgi mavsum oxirgisi bo‘ladi. Futbolchi joriy yil jamoasiga qo‘lidan kelgancha yordam beradi, ammo keyingi mavsumda ishtirok eta olishiga kafolat berolmasligini aytgan.
Eslatib o‘tamiz, Jerar Pike 2008 yildan buyon “Barselona” klubi sharafini himoya qilib kelmoqda.
Futbolchi Kataloniya klubi safida bir necha bor Ispaniya chempioni, Ispaniya kubogi hamda superkubogi, Yevropa chempionlar ligasi g‘olibligini qo‘lga kiritdi. Bu yilgi mavsumda esa Ispaniya chempionatining 2 ta o‘yinida ishtirok etdi va bitta gol urishga muvaffaq bo‘ldi.
Avvalroq Serxio Aguero “Barselona”dan norozi bo‘layotgan haqida xabar bergan edik.
Jamshidbek Amirov
