Qish mavsumida gaz tanqisligi yuz berishi mumkin
AQSH Davlat departamentining energiya xavfsizligi bo‘yicha katta maslahatchisi Amos Gokshteyn ana shunday fikr bildirdi, deb yozadi “Finansial Times.”
Uning so‘zlariga ko‘ra, tanqislikka Rossiya Yevropa bozoriga yetarlicha yoqilg‘i yetkazib bermagani sabab bo‘lgan va bu oxir-oqibat uning narxi oshishiga olib kelgan.
"Agar yanvar va fevral oylarida qish sovuq kelsa, mintaqada zaxiralar tugashi mumkin. Bu anchayin xavotirlidir ", dedi Gokshteyn.
U AQSH Yevropaning Rossiyadan energiya taʼminotiga bog‘liqligidan xavotirda ekanini bildirgan.
Bundan avval gaz narxi juda yuqori ko‘tarilgani haqida xabar berilgan edi. O‘tgan haftada Yevropada kim oshdi savdolarida ming kubometr gaz narxi 710 dollardan oshdi.
Shu bilan birga, Gazprom SP-2 qurilishi yakunlanganini eʼlon qildi. Rossiya gaz quvurining qurilishi 10 sentyabr kuni yakunlangan.
Nasiba To‘xtayeva
