«Real Madrid» «Bernabeu»ga qaytishini 5 ta gol bilan nishonladi
Ispaniya chempionatining 4-turida “Real” o‘z maydonida «Selta» klubini qabul qilib, hisobda ikki marta ortda qolayotganiga qaramay yakunda yirik g‘alabani qo‘lga kiritdi.
Uchrashuvda mezbonlardan Karim Benzema xet-trik qayd etgan bo‘lsa, madridliklar safiga yaqinda kelib qo‘shilgan Kamavinga debyut o‘yinida zaxiradan maydonga tushib 6 daqiqa ichida to‘p kiritishga muvaffaq bo‘ldi. Shuningdek, Vinitsius ham o‘z hisobiga gol yozdirib qo‘ydi. “Vigoliklar”dan “Mina” va «Servi Madrid» klubi darvozasini ishg‘ol etdi.
Maʼlumot uchun, «qirollik klubi» 18 oydan so‘ng ilk bor «Santyago Bernabeu»da o‘yin o‘tkazdi.
Ushbu bahsdan keyin “Real” ochkolarini 10taga yetkazib, 1-o‘ringa ko‘tarilib oldi. “Selta” esa 1 ochko bilan 18-pog‘onani egallab turibdi.
Eslatib o‘tamiz, Fransiyalik 33 yoshli hujumchi Karim Benzema “Real” bilan amaldagi shartnomasini uzaytirgandi.
Avvalroq, Yevropaning eng kuchli beshta chempionatida yangi futbol mavsumi boshlangani haqida xabar berilgandi.
Jamshidbek Amirov
