Boks. Jahon chempionatining sovrin jamg‘armasi maʼlum bo‘ldi
Xalqaro boks federatsiyasi (AIBA) shu yilning oktyabr oyida o‘tkaziladigan kattalar o‘rtasidagi jahon chempionatining mukofot jamg‘armasini eʼlon qildi.
Xabarlarga ko‘ra, tashkilot jahon chempionatining sovrin jamg‘armasi uchun 2,6 million dollar ajratgan. Unga ko‘ra musobaqa sovrindorlari quyidagicha pul mukofotlariga ega bo‘lishadi:
Oltin medal: 100 ming AQSH dollari
Kumush medal: 50 ming AQSH dollari
Bronza medal: 25 ming AQSH dollari.
Eslatib o‘tamiz, jahon chempionati 26 oktyabr - 6 noyabr kunlari Serbiyaning Belgrad shahrida o‘tkaziladi. Unda o‘zbekistonlik bokschilar ham ishtirok etadi.
Avvalroq Olimpiya va Paralimpiya o‘yinlari sovrindorlariga Samarqanddan uy sovg‘a qilingani haqida xabar bergan edik.
Jamshidbek Amirov
