Entoni Joshua: «Aleksandr Usikning uslubiga moslashib oldim»
Og‘ir vazn toifasida WBA, IBF, WBO va IBO yo‘nalishlari chempioni Entoni Joshua Aleksandr Usik haqida fikr bildirdi:
”Usikdan kutiladigan eng katta xavf uning chapaqayligidir. Men tayyorgarlik jarayonida uning mana shu jihatiga alohida eʼtibor berishga harakat qilyapman. Aleksandrga qarshi oyoq bilan qanday harakat qilishni, chapaqay sportchini qanday boshqarishni va unga qaysi vaziyatda javob zarbasi berishni aniq bilib oldim. Usik bugungacha juda ko‘p bokschilarga qarshi ringga chiqqan. U butun faoliyati davomida bir xil uslubda jang qilgan. Men oxirgi uch oyda uning uslubini to‘liq o‘rganib chiqdim. Hozirda bu uslubga moslashib oldim, deb ayta olaman”.
Eslatib o‘tamiz, Entoni Joshua va Aleksandr Usik o‘rtasidagi jang shu yil 25 sentyabrda Londondagi 62 ming kishiga mo‘ljallangan «Tottenxem» stadionida o‘tkaziladi.
Avvalroq, Menni Pakyao boksdagi faoliyatini yakunlagani haqida xabar bergan edik.
Jamshidbek Amirov
