Pedagog kadrlarni attestatsiyadan o‘tkazishda endi yig‘ma jild talab qilinmaydi
Vazirlar Mahkamasining shu yil 17 sentyabrdagi “Maktabgacha, umumiy o‘rta, o‘rta maxsus, professional va maktabdan tashqari taʼlim tashkilotlari pedagog kadrlarini atestatsiyadan o‘tkazish tartibini takomillashtirish chora-tadbirlari to‘g‘risida”gi qaroriga muvofiq, ular uchun atestatsiya komissiyalari tuzish va yig‘ma jild orqali hujjat topshirish amaliyoti bekor qilinadi.
Shuningdek, pedagog kadrlarni atestatsiyadan o‘tkazish hamda ularning pedagogik mahorati va psixologik tayyorgarligini baholash Vazirlar Mahkamasi huzuridagi Taʼlim sifatini nazorat qilish davlat inspeksiyasi tomonidan o‘quv fani bo‘yicha malaka sinovini o‘tkazish orqali amalga oshiriladi.
Pedagoglarga malaka toifasini berish bo‘yicha hujjatlarni qabul qilish ularning davlat xizmatlari markazlariga borishi yoki mustaqil ravishda Yagona interaktiv davlat xizmatlari orqali hamda Taʼlim inspeksiyasining rasmiy veb-saytidagi maxsus portal yordamida amalga oshirilishi ko‘zda tutilgan.
Cho‘lponoy Ahmedova
