Aleksandr Usik Ilon Maskga sovg‘a berdi
Ukrainalik bokschi Aleksandr Usik Entoni Joshua bilan jangda g‘alaba qozonganidan so‘ng taniqli amerikalik tadbirkor Ilon Maskga o‘zining NFT-tokeni va jang oldidan kiyib chiqadigan JAXET kostyumini sovg‘a qildi.
Bundan tashqari, Usik o‘zini jangda qo‘llab-quvvatlab turgan barchaga minnatdorlik bildirdi. U Ilon Maskni nihoyatda hurmat qilishi, shu bois, sevimli shaxsiy narsalarini unga sovg‘a qilganidan juda ham xursandligini aytdi.
Londonning “Tottenxem” stadionida erishilgan g‘alabadan so‘ng Aleksandr Usik super og‘ir vazn toifasida WBA, WBO, IBF va IBO chempionlik kamarlarini qo‘lga kiritdi. Tahlillarga ko‘ra, ushbu jangda Usik 148 bor aniq zarba bergan bo‘lsa, Entonining ko‘rsatkichi esa 123 tani tashkil etgan.
Аvvalroq 65 mingdan ortiq tomoshabin yig‘ilgan jangda Aleksandr Usik Entoni Joshuani mag‘lub etgani va Entoni Joshua Aleksandr Usikning uslubiga moslashib olgani haqida xabar berilgandi.
Jamshidbek Amirov
