JSST koronavirus kelib chiqishi bo‘yicha yangi tekshiruv o‘tkazmoqchi
JSST koronavirus kelib chiqishi bilan bog‘liq surishtiruvlarni qaytadan o‘tkazadi. Bu haqda “The Wall Street Journal” xabar berdi.
Unga ko‘ra, yangi ilmiy-konsultativ guruh tuziladi. Unga laboratoriya xavfsizligi va biohimoya bo‘yicha mutaxassislar, genetik olimlar hamda hayvonlar kasalliklari bo‘yicha ekspertlar jalb etiladi. Ularning asosiy vazifasi Xitoy va boshqa davlatlarda Covid-19 kelib chiqishiga doir yangi dalillar topishdan iborat bo‘ladi. Shuningdek, olimlar kasallikning laboratoriyada yaratilgani masalasini ham o‘rganadi.
AQSH va yana bir qator davlatlar koronavirusni Xitoydagi Uxan laboratoriyasidan tarqalgan, deb hisoblamoqda.
Bundan avval Uxan laboratoriyasi olimlari koronavirusni 2018-yildayoq chiqarib yubormoqchi bo'lgani hamda AQSH maxsus xizmatlari kasallik kelib chiqishiga doir hisobot tayyorlagani maʼlum qilgani haqida xabar berilgandi.
Jahongir Qo'ziyev
