YEXHT sammiti Rossiya tufayli bekor qilindi — Entoni Blinken
Rossiya YEXHTning Varshava sammiti qoldirilishiga sabab bo‘lgan. AQSH davlat kotibi Entoni Blinkenning so‘zlariga ko‘ra, sammit 27-sentabr kuni o‘tkazilishi kerak edi.
“Afsuski, inson huquqlarga bag‘ishlangan 2021-yilgi yig‘ilish Rossiya hukumatining ushbu uchrashuvni bloklab qo‘ygani tufayli bekor qilindi. Rossiyaning bu xatti-harakatlari bizni chuqur taassuflantirdi”, – degan Blinken. Shu bilan birga davlat kotibi YEXHT va unga aʼzo davlatlar inson huquqlariga bag‘ishlangan uchrashuvlarni o‘tkazishiga umid bildirdi.
Shuningdek, Blinken AQSH dunyoda inson huquqlari poymol qilinishiga jim qarab turolmasligini maʼlum qildi. “YEXHT doirasida inson huquqlari bilan bog‘liq barcha muammolarga eʼtibor qaratishga harakat qilamiz”, – degan u.
Avvalroq AQSH Rossiyaning harbiy bazalaridan foydalanishi mumkinligi hamda rossiyalik xakerlar Amerika kompaniyalaridan katta pul talab qilgani xabar qilingandi.
Jahongir Qo'ziyev
