"Miss Rossiya migrantlar federatsiyasi" go‘zallik tanlovida ikki nafar o‘zbekistonlik qiz finalga chiqdi
"Miss Rossiya migrantlar federatsiyasi" go‘zallik tanlovining yarim final bosqichida ochiq ovoz berish jarayoni nihoyasiga yetdi.
Olingan ovozlar soni bo‘yicha ikki nafar o‘zbekistonlik qiz finalga chiqdi. Ular 2 mingdan ortiq ovoz yig‘di. Ulardan biri 23 yoshli Kamola Abdildayeva — RUDN universiteti talabasi. Ikkinchi o‘zbekistonlik ishtirokchi — 25 yoshli urganchlik Rushana Karimova.
Tanlovda hozirda Rossiyada bo‘lgan voyaga yetgan migrant qizlar ishtirok etishi mumkin.
Tanlovning yarim finalida jami 7 nafar o‘zbekistonlik qiz ishtirok etdi. Tojikiston, Qirg‘iziston, Ukraina, Turkmaniston, Qozog‘iston va Senegal go‘zallari ularga raqib bo‘ldi.
Maʼlumot uchun, "Miss FMR" finali 9 oktyabr kuni Moskvada bo‘lib o‘tadi.
Tanlovda uch nafar finalchi "Miss FMR", "Vitse-miss FMR" va "Tomoshabinlar eʼtirofi" nominatsiyasi bo‘yicha mukofot oladi.
Migrant ayollar o‘rtasida o‘tkaziladigan go‘zallik tanlovi bu yil ikkinchi marta o‘tkazilmoqda. O‘tgan yili tojikistonlik Fotima Kaladorova g‘olib bo‘lgandi, “Vitse-miss” nominatsiyasi g‘olibligini Rossiyaning Tuva respublikasidan Diana Badirgi qo‘lga kiritdi, “Tomoshabinlar eʼtirofi” esa qirg‘izistonlik Kamila Polotbekovaga nasib qilgandi.
Bundan avval qarishni sekinlashtiruvchi 5 ta odat haqida tavsiya berilgan edi.
Cho‘lponoy Ahmedova
