Moskvada koronavirusga qarshi emlanganlar o‘rtasida lotoreya o‘ynaladi
Bu haqda “Ria Novosti” xabar berdi. Moskva meri Sergey Sobyaninning maʼlum qilishicha, bu emlashga bo‘lgan qiziqishni oshirishga xizmat qiladi.
Shu bilan birga, lotoreyalar orqali emlanish jarayonini sezilarli darajada tezlashtirish mumkin. Moskvada ushbu usul avval ham qo‘llanilgan. “Tez orada bu amaliyotga yana qaytilishi mumkin. Aholi orasida faqat pulli yutuqlar emas, balki kvartiralar ham o‘ynalishi katta qiziqish uyg‘otmoqda. Biz buni qayta joriy qilishga harakat qilamiz”, – degan Sobyanin.
Rossiyada butun dunyoda bo‘lgani kabi koronavirus bilan bog‘liq vaziyat og‘irlashmoqda. Hukumat hozirda butun mamlakat bo‘ylab ommaviy tadbirlarni bekor qilgan. Rossiyada 4 oktabr kuni 2 yanvardan buyon kasallanish bo‘yicha eng yuqori ko‘rsatkich – 25 mingdan ortiq holat qayd etilgan.
Bundan avval JSST rahbari vaksinalar taqsimotidagi adolatsizlik haqida gapirgandi. Shuningdek, JSST koronavirus kelib chiqishi bo‘yicha yangi tekshiruv o‘tkazmoqchi ekani xabar qilingandi.
Jahongir Qo'ziyev
