Mbappega 6 yillik shartnoma va bir yilda 40 million yevro maosh taklif qilindi
Madridning “Real” klubi “PSJ” hujumchisi Kilian Mbappe bilan yana muzokara boshladi.
Xabarlarga ko‘ra, klub yozgi transfer oynasida Mbappeni qo‘lga kirita olmagach, muzokaralar bir muddat to‘xtab qolgandi. Qishki transfer oynasida fransiyalik 22 yoshli forvardni o‘z safiga qo‘shib olmoqchi bo‘layotgan “Real” bu safar Mbappega 6 yillik shartnoma va bir yilda 40 million yevro maosh taklif qildi.
Qayd etilishicha, Madrid klubi Kilianni qishki yoki erkin agentga aylangach yozgi transfer oynasida o‘z safiga qo‘shib olishga ishonmoqda.
“PSJ” rahbariyati esa Mbappe bilan kelishuvni uzaytirishdan umid uzgani yo‘q. Tomonlar kelishuvi 2022 yilning 30 iyun kuni yakuniga yetadi.
Jamshidbek Amirov
