Biz Xitoy va Rossiyadan farqli o‘laroq vaksina evaziga hech narsa talab qilmaymiz — Jozef Bayden
AQSH Xitoy va Rossiyadan farqli o‘laroq boshqa davlatlarga beg‘araz vaksina yetkazib bermoqda. Bu haqda Jozef Bayden Illinoys shtatidagi chiqishida maʼlum qildi.
“Biz boshqa davlatlarga yordam berishimiz shart va bizning o‘z manfaatlarimiz bor. Bundan tashqari men butun dunyo rahbarlari bilan uchrashdim va bundan keyin ham uchrashaman”, – degan Bayden emlashning ahamiyati haqida gapirib.
“Boshqa davlatlar o‘zini ko‘p narsaga erishayotgandek ko‘rsatmoqda. Biz butun dunyoga boshqalarga qaraganda ko‘proq vaksina yetkazib beryapmiz. Lekin Xitoy va Rossiyadan farqli o‘laroq vaksina evaziga hech narsa talab qilmaymiz. Hech narsa. O‘ylaymanki, bu muhim ahamiyatga ega”, – degan Prezident.
AQSH Adminstratsiyasi maʼlumotlariga ko‘ra, Vashington hozirga qadar butun dunyoga 1.1 milliard doza vaksina yetkazib bergan.
Bundan avval koronavirus Uxan shahrida 2019 yilning yozidayoq tarqalgan bo‘lishi mumkinligi hamda Moskvada emlanganlar o‘rtasida lotoreya o‘ynalishi xabar qilingandi.
Jahongir Qo'ziyev
