Deontey Uaylder: “Ertaga hammasi boshqacha bo‘lishini o‘z jangim bilan isbotlayman”
Og‘ir vazn toifasida sobiq jahon chempioni, amerikalik Deontey Uaylder og‘ir vazn toifasida WBC chempioni, britaniyalik Tayson Fyuri bilan bo‘ladigan jangi haqida fikr bildirdi:
“Baʼzilar Tayson bilan bo‘ladigan jangda raqibimning imkoniyatlarini yuqori baholamoqda. Lekin men ertaga hammasi boshqacha bo‘lishini o‘z jangim bilan isbotlayman”.
Uaylder va Fyuri ertangi to‘qnashuvda uchinchi bor yuzma-yuz keladi. 2018-yil dekabr oyida bo‘lib o‘tgan birinchi jangda hakamlar durang qayd etgan bo‘lsa, 2020-yil fevral oyida o‘tkazilgan ikkinchi uchrashuvda britaniyalik bokschi amerikalikni nokautga uchratgandi. Shu tariqa u WBC chempionlik kamarini tortib olgandi.
Eslatib o‘tamiz, jang 10-oktabrga o‘tar kechasi AQSHning Las–Vegas shahrida bo‘lib o‘tadi.
Avvalroq, Mayk Tayson yana ringga qaytmoqchi ekanligi va Maxachev Den Xuker bilan jangi qiziqarli bo‘lishiga ishonayotgani haqida xabar berilgandi.
Jamshidbek Amirov
