Tojikistonda O‘zbekiston Savdo uyi ochildi
Ikki mamlakat tadbirkorlarining tovar va mahsulotlarini xaridorlarga yetkazish bo‘yicha beminnat ko‘makchi vazifasini o‘tash maqsadida Tojikiston poytaxti Dushanbe shahrida O‘zbekiston Savdo uyi ish boshladi.
Savdo uyining ochilish marosimida O‘zbekiston Respublikasining Tojikiston Respublikasidagi elchisi Ergash Shoismatov va “Oriyen Invest” investisiya kompaniyasi bosh direktori Saidismatillo Valiyev ishtirok etib, bundan buyon ikki mamlakat tadbirkorlarining hamkorligi yana-da rivojlanishini taʼkidladi. Chunki Savdo uyini tashkil etishdan maqsad tadbirkorlar uchun qulayliklar yaratishdir. Yaʼni tadbirkorlar, ishlab chiqarish korxonalari Savdo uyi orqali tovarlar va xizmatlarini reklama qilish imkoniga ega bo‘ladi. Savdo uyida ko‘rgazmalar zali tashkil etilgan bo‘lib, bu yerda ishlab chiqaruvchilar o‘zlariga yangi xaridorlar topishda amaliy yordam ko‘rsatiladi.
Tadbirdan so‘ng ko‘rgazmalar zalida mahalliy tadbirkorlar uchun o‘zbek ishlab chiqaruvchilari mahsulotlari taqdimoti o‘tkazildi.
Yaqindagina O‘zbekiston va Turkmaniston o‘rtasidagi savdo aloqalari haqida xabar bergan edik.
