Instagram foydalanuvchilariga uzilishlar oldini olish uchun yangi imkoniyatlar taqdim etadi
Instagram ijtimoiy tarmog‘i foydalanuvchilarni dastur faoliyatida uzilishlar va akkaunt kontentining tarqatilishi haqida ogohlantirishni boshlaydi. Bu haqda kompaniya xabar bermoqda.
Birinchi funksiya foydalanuvchilarga dastur faoliyatidagi texnik muammolar haqida maʼlumot beradi. Ikkinchisi esa “Akkaunt holati” bo‘lib, kontent tarqatilishi va foydalanuvchi sahifasi xavf ostida yoki xavfsiz ekanini ko‘rsatib turadi.
“Bugun biz ikki yangi sozlamani taqdim etamiz. Ular odamlarga Instagram faoliyati va akkauntlar holati haqida dasturning o‘zidan turib ko‘proq maʼlumot olishga yordam beradi”, — deyiladi xabarda.
Foydalanuvchilar yangi sozlamalar tufayli texnik muammolarni bartaraf etish muddatini ko‘rishi hamda kontent tarqatilishi bo‘yicha noroziligini bildirishi mumkin.
Eslatib o‘tamiz, 4-oktabr kuni Facebook, Instagram va WhatsApp ijtimoiy tarmoqlari faoliyatida global uzilish ro‘y bergandi.
Sharofat Mahmudova
