Krishtianu Ronaldu: "Men o‘zimga har doim ko‘proq natijaga erishaman deb vaʼda beraman"
Portugaliya terma jamoasi hujumchisi Krishtianu Ronaldu 2022-yilgi jahon chempionati saralash o‘yinlari doirasida Lyuksemburg ustidan qozonilgan g‘alaba haqida o‘z fikrini bildirdi:
"Yana bir g‘alaba, maqsadimiz sari yana bir qadam, jamoamiz tarixida yana bir sahifa. O‘z uyingizda hamda sizni birinchi daqiqadan oxirgi soniyagacha qo‘llab-quvvatlaydigan muxlislaringiz qarshisida hamma narsa osonlashadi.
Men o‘zimga har doim ko‘proq natijaga erishaman deb vaʼda beraman. Bu mening qonimda bor. Hech qachon o‘zimdan to‘liq qoniqish his qilmayman. Biz jamoamiz bilan iloji boricha taslim bo‘lmaslikka harakat qilamiz va doim eng yaxshi natija uchun kurashamiz".
Eslatib o‘tamiz, ushbu o‘yinda Portugaliya Lyuksemburgni 5:0 hisobida mag‘lub etdi. Ronaldu unda xet-trik qayd etdi.
Jamshidbek Amirov
