Osiyo oʻyinlari: O‘zbekiston U-23 terma jamoasi Yaponiya bilan o‘yinda penaltilar seriyasida yutqazdi
Endi O‘zbekiston bronza medali uchun Xitoyga qarshi bahs olib boradi.
Osiyo o‘yinlari yarim finalida O‘zbekiston U-23 terma jamoasi Yaponiya bilan 1:1 hisobida durang o‘ynab, penaltilar seriyasida 8:9 hisobida mag‘lub bo‘ldi.
Uchrashuvning 8-daqiqasida Sardor Bahromov O‘zbekistonni hisobda oldinga olib chiqdi. Yaponiya ikkinchi bo‘limda hisobni tenglashtirdi.
Asosiy va qo‘shimcha bo‘limlarda g‘olib aniqlanmagach, jamoalar penaltilar seriyasida to‘qnash keldi. Unda Yaponiya 9:8 hisobida ustun keldi.
Shu tariqa, Ravshan Haydarov shogirdlari Osiyo o‘yinlari finaliga chiqa olmadi. O‘zbekiston U-23 terma jamoasi bronza medali uchun Xitoyga qarshi bahs olib boradi.
