«Chelsi» Abduqodir Husanovning transferini ko‘rib chiqmoqda — manba
Husanovga Angliya Premyer-ligasining yana uchta klubi ham qiziqish bildirayotgani aytilmoqda.
«Chelsi» «Manchester Siti» himoyachisi Abduqodir Husanovni qishki transfer oynasida o‘z safiga qo‘shib olish imkoniyatini ko‘rib chiqmoqda. Bu haqda Caught Offside xabar berdi.
Manbaga ko‘ra, London klubi 22 yoshli o‘zbekistonlik futbolchining «Manchester Siti»dagi holatini kuzatib bormoqda. Husanovning jamoa asosiy tarkibida qanchalik muntazam o‘ynashi «Chelsi» uchun muhim omillardan biri bo‘ladi. Husanov joriy mavsumda barcha turnirlarda 6 ta uchrashuvda maydonga tushdi.
O‘zbekistonlik futbolchiga «Chelsi»dan tashqari Angliya Premyer-ligasining yana uchta klubi ham qiziqish bildirayotgani aytilmoqda.
Ma’lumot uchun, Husanov 2025 yil yanvarida «Lans»dan «Manchester Siti»ga o‘tgan. U klub bilan shartnomasini 2031 yil yozigacha uzaytirgan.
Transfermarkt ma’lumotlariga ko‘ra, himoyachining transfer qiymati 50 million yevroga baholanmoqda.
