Xonanda Ruxshona turmush o‘rtog‘i Sanjar Matkarimov bilan ajrashganini maʼlum qildi
Xonanda Ruxshona o‘zining Instagram‘dagi rasmiy sahifasida muxlislaridan kelgan savollarga javob berdi.
Ruxshonaning muxlislari undan turmush o‘rtog‘i Sanjar Matkarimov bilan ajrashgani rost yoki yolg‘on ekanligi haqida so‘rashgan. Xonanda esa buning haqiqat ekanini aytib, kelgusida yarashish niyati yo‘qligini maʼlum qilgan.
Uning aytishicha, ayni vaqtda juftlikning farzandlari onasi bilan birga. Ammo ajrimdan keyin Sanjar Matkarimov bir muddat davomida bolalarni Ruxshonaga bermagan.
Xonandaning so‘zlariga ko‘ra, turmush o‘rtog‘i unga musht tushirgan va kaltaklagan. Oilaning buzilishiga asosiy sabab rashk ekanligi maʼlum bo‘lgan. Shuningdek, Ruxshona ajrimdan keyin o‘ziga kelish uchun Yaratgandan tunu-kun kuch-quvvat so‘raganini aytib o‘tgan.
Xonanda bundan keyin Sanjar Matkarimov rejissyorlik qiladigan “Bola tilidan” ko‘rsatuvida ham boshlovchilik qilmaydi.
Maʼlumot uchun, xonanda Ruxshona va rejissyor-klipmeyker Sanjar Matkarimov 2014-yilning 2-noyabr kuni turmush qurgandi.
Eslatib o‘tamiz, avvalroq xonanda Ruxshona turmush o‘rtog‘ining telefon raqamini o‘zlashtirib olganligi va ularning oilaviy munosabatlariga darz ketganligi haqida xabar berilgandi.
Cho‘lponoy Ahmedova
