Avtosanoatda raqobat kuchayadi: “Renault” O‘zbekiston bozorida sotadigan avtomobillari narxini eʼlon qildi
Avtosanoatda raqobat kuchayadi. Boisi, O‘zbekistonda Xitoyning Chery kompaniyasi brendi ostida avtomobillar ishlab chiqariladi. Kompaniya O‘zbekiston bozoriga "yorib kirish"ini maʼlum qildi.
Fransiyaning "Renault" avtokonserni Toshkentdagi ikkita dilerlik markazida sotiladigan krossoverlari narxini eʼlon qildi:
Kaptur – 221 115 600 so‘mdan
Duster – 225 108 500 so‘mdan
Arkana – 230 879 300 so‘mdan
Sotuv qishgacha boshlanadi.
Maʼlumot o‘rnida: Chery kompaniyasi 18 yildan buyon Xitoy avtosanoatining yetakchi eksportyori hisoblanadi. Xususan, Braziliyada shu marka ostidagi mashinalar juda mashhur. “UOL nashri” Tiggo 8 ni "Yilning eng yaxshi o‘rta o‘lchamli krossover" deb topdi. Shuningdek, yana uch nominatsiyada mamlakatning eng yaxshi avtomobili deya e'lon qildi.
Bundan avval O‘zbekistonda “LADA Vesta CW” va “LADA XRAY” rusumli avtomobillar ishlab chiqarila boshlangani, “UzAuto Motors” yangi “Chevrolet Captiva” hamda “Kia Uzbekistan” “K8” sedanini sotishni boshlagani haqida xabar berilgandi.
Umar Umrzoqov
