“UzAuto Motors” янги “Chevrolet Captiva” сотишни бошлади
Автомобиль тўртта модел даражасида тақдим этилган – “LT base”, “LT 5”, “LT 7” va “Premier 7”. Нархлар - 192,8 миллион сўмдан. Бу ҳақда “Spot.uz” хабар берди.
Унда айтилишича, автомобиль диагонали 10,4 дюймли сенсорли экран, 1,5 литрли турбомоторли двигатель, автоматик узатмалар қутиси, юмшоқ сенсорли теридан ишланган ўриндиқлар билан жиҳозланган.
Харидорлар “Chevrolet”нинг ваколатли марказларида 2022 йилги янги “Chevrolet Captiva” учун шартнома тузиши мумкин.
Нархлар:
Бошланғич “LT base” комплектация: 192 775 000 сўм;
“ LT 5” комплектация 5 ўринли: 238 086 957 сўм;
“ LT 7” комплектация 7 ўринли: 244 782 609 сўм;
“Premier 7” комплектация 7 ўринли: 269 478 261 сўм.
Нархлар ҚҚСсиз кўрсатилган.
“Chevrolet Captiva” учун навбат “UzAutoSavdo” тизимида аллақачон шаклланган эди. Хусусан, “Premier 7” тўплами учун навбат 200 донадан ошади. Тахминий етказиб бериш муддати 2022 йил январь ойининг охирида кўрсатилган.” – дея таъкидлаб ўтади “Spot.uz”.
Бундан аввал депутат Кушербаев "UzAuto Motors" ҳақида Қозоғистон телеканалларида намойиш қилинган лавҳага эътибор қаратгани, Ўзбекистонда “LADA Vesta CW” ва “LADA XRAY” русумли автомобиллар ишлаб чиқарила бошлагани ҳамда “UzAuto Motors” “Chevrolet Lacetti” ва “Spark” ишлаб чиқаришни тиклагани ҳақида хабар берилганди.
Оламгир Абдиев
