O‘zbekistonga nam va sovuq havo massalari kirib kelmoqda
21-22 oktabrda O‘zbekiston hududiga Kaspiy dengizi orqali Kavkaz hududlari ustida shakllangan nam va sovuq havo massalari kirib keladi. Bu haqda “O‘zgidromet” xabar berdi.
Maʼlum qilinishicha, 21-22 oktabrda respublika bo‘yicha baʼzi joylarda yomg‘ir yog‘adi. Tog‘oldi va tog‘li hududlarda yog‘ingarchilik (yomg‘ir, qor) kuzatiladi, baʼzi joylarda kuchli bo‘ladi, ko‘rinuvchanlik yomonlashadi.
Havo harorati 10-13 darajaga, 21-oktabrda kunduz kuni 8-13 daraja iliqqacha, 22-oktabrda kechasi 2 daraja sovuq - 3 daraja iliqqacha pasayishi kutilmoqda.
21-22 oktabrda respublika bo‘yicha baʼzi joylarda shamol tezligi 15-20 m/s gacha kuchayishi kutilmoqda.
