"Uzbekistan Airports" xorijiy aviakompaniyalar uchun tariflarni pasaytirdi
"Uzbekistan Airports" АЖ rahbariyati xorijiy aviakompaniyalar tomonidan amalga oshiriladigan muntazam qatnovlarga yer usti xizmat ko‘rsatish tariflari va yig‘imlarining yangi ro‘yxatini tasdiqladi.
Xususan, quyidagi xizmatlar uchun tariflar va to‘lovlar pasaytirildi:
- samolyotlarning uchishi va qo‘nishini taʼminlash;
- yo‘lovchilarning aviatsiya xavfsizligini taʼminlash;
- samolyotlarning aviatsiya xavfsizligini taʼminlash;
- aeroport terminalidan foydalanish;
- kelgan yo‘lovchilarga xizmat ko‘rsatish;
- ketish uchun yo‘lovchilarga xizmat ko‘rsatish;
- “CUTE” platformasiga kirishni taʼminlash.
Tariflar va to‘lovlarni pasaytirish O‘zbekiston aeroportlarining raqobatbardoshligini oshiradi va xorijiy aviatashuvchilarni ko‘proq jalb qiladi.
O‘rtacha tariflarning pasayishi 15 foizga teng bo‘lib, narxlar va to‘lovlarning yangilangan ro‘yxati 31 oktyabrdan IATA 2021/2022 qish mavsumining boshidan boshlab kiritiladi.
Bundan avval «Uzbekistan Airways» yangi model asosida Toshkentdan Moskvaga ilk parvozni amalga oshirgani, Budapeshtdan O‘zbekiston shaharlariga parvozlar yo‘lga qo‘yilishi rejalashtiriayotgani hamda Toshkent — Qarshi — Toshkent aviaqatnovi qayta tiklangani haqida xabar berilgan edi.
Munojat Valiyeva
