"Yangi O‘zbekiston saylovlari — yoshlar nigohida"

 

Qayd etish joizki, mamlakatimiz hayotidagi muhim siyosiy voqea — Prezident sayloviga xorijdagi yoshlarimiz ham befarq emas.  O‘zbekiston Respublikasi Prezidenti sayloviga tayyorgarlik ko‘rish va uni o‘tkazish bilan bog‘liq ishlar xorijda ham Saylov kodeksiga amal qilgan holda tizimli ravishda olib borilmoqda. Eng muhimi, o‘zbekistonliklar uchun xorijda turib ham ovoz berish imkoniyati yaratildi. Ular qayerda bo‘lishidan qatʼiy nazar, eng avvalo, O‘zbekiston fuqarosi: biz singari haq-huquqlarga ega.

 

Salohiddin Mansurxo‘jayev, 

O‘zbekiston yoshlari   umumjahon assotsiatsiyasining Malayziyadagi  vakili:

— Malayziyada vaqtinchalik yashayotgan va o‘qiyotgan o‘zbekistonlik  yoshlar  tomonidan ijtmoiy tarmoqlarda  saylovga oid fleshmob o‘tkazildi. Unda nafaqat Malayziyada,  balki  janubiy   sharqiy Osiyoning boshqa mamlakatlarida  yashovchi  o‘zbekistonlik yoshlar ham qamrab  olindi. Targ‘ibot  ishlari davomida o‘zbekistonlik barcha yoshlar birlashdi, desak adashmaymiz. 

 

Ergash Jumayev,

O‘zbekiston yoshlari  umumjahon assotsiatsiyasining Turkiyadagi  vakili:

— Taʼlim olayotgan talabalar bilan   Turkiyaning bir qancha viloyatlarida  Prezident saylovining ahamiyati xususida targ‘ibot-tashviqot ishlarini olib bordik. Yaqinda Turkiyada muddatidan avval ovoz berish jarayoni bo‘lib o‘tdi.  Turkiyada o‘qiyotgan va mehnat qilayotgan yoshlar masʼuliyatni his qilgan holda o‘zlari tanlagan nomzodga ovoz berdi. 

 

Vebinarda mazkur siyosiy tadbirni Konstitutsiya hamda qonunlar, umumeʼtirof etilgan xalqaro demokratik standartlar asosida o‘tishi ko‘p jihatdan fuqarolarning siyosiy madaniyati va faolligi, fuqarolik burchini chuqur anglashiga bog‘liqligi haqida so‘z bordi.

 

Munojat Valiyeva