O‘zbekistonda saylov jarayonlari qanday ketmoqda?
O‘zbekiston prezidenti saylovlarida ovoz berish jarayoni bo‘lib o‘tmoqda. Maʼlumki, davlat rahbari lavozimiga 5 nomzod daʼvogarlik qilmoqda.
O‘zbekiston Respublikasi Markaziy saylov komissiyasi raisi Zayniddin Nizamxodjayev Chilozor tumanidagi 318-saylov uchastkasida ovoz berdi.
O‘zbekiston musulmonlari idorasi raisi, muftiy Nuriddin domla Xoliqnazarov Toshkent shahri Mirzo Ulug‘bek tumanidagi 41-saylov uchastkasida prezidentlik saylovida ovoz berdi.
Bosh vazir Abdulla Aripov Toshkent shahridagi 520-saylov uchastkasida ovoz berdi. Hukumat rahbari saylov uchastkasiga oilasi bilan tashrif buyurdi.
Senat raisi Tanzila Norboyeva 362-saylov uchastkasida oila aʼzolari bilan birga Prezidentlik saylovida ovoz berdi.
Bosh vazir o‘rinbosari, Turizm va sport vaziri Aziz Abduhakimov Toshkent shahridagi 16-saylov uchastkasida ovoz berish jarayonida ishtirok etdi.
Tashqi ishlar vaziri Abdulaziz Komilov Toshkentning Yakkasaroy tumanida tashkil etilgan 573-saylov uchastkasiga kelib, prezident saylovida ovoz berdi.
Kinematografiya agentligining bosh direktori Firdavs Abduxoliqov O‘zbekiston Respublikasi Prezidenti saylovida ovoz berdi.
Xalq taʼlimi vaziri Sherzod Shermatov Samarqand shahridagi 12-saylov uchastkasida ovoz berdi.
Mahalla va oilani qo‘llab-quvvatlash vaziri Rahmat Mamatov Buxoro shahar “Abduxoliq G‘ijduvoniy” mahalla fuqarolar yig‘inida joylashgan 73-saylov uchastkasida o‘zi munosib deb bilgan nomzodga ovoz berdi.
O‘zbekiston Qahramoni Lola Murotova O‘zbekiston Respublikasi Prezidenti saylovida ishtirok etish uchun hududidagi 730-saylov uchastkasiga tashrif buyurdi va elu yurtimiz ravnaqi, taraqqiyoti uchun munosib nomzodga ovoz berdi.
Eslatib o‘tamiz, O‘zbekiston Respublikasi Prezidenti saylovida O‘zbekiston Liberal-demokratik partiyasidan ko‘rsatilgan nomzod Shavkat Mirziyoyev Mirzo Ulug‘bek tumani Alisher Navoiy mahallasidagi 59-saylov uchastkasiga tashrif buyurib, ovoz berish jarayonida ishtirok etgandi.
Bundan avval O‘zbekiston Ekologik partiyasidan prezidentlikka nomzod Narzullo Oblomurodov, "Milliy tiklanish" demokratik partiyasidan prezidentlikka nomzod Alisher Qodirov, O‘zbekiston “Adolat” sotsial-demokratik partiyasidan prezidentlikka nomzod Bahrom Abduhalimov hamda Xalq demokratik partiyasidan ko‘rsatilgan nomzod Maqsuda Vorisova Uchtepa tumani 116-maktabdagi 206-saylov uchastkasida ovoz bergani haqida xabar bergan edik.
Shuningdek, Prezidentlik saylovlarida nomzodlar ham Toshkent shahridagi turli saylov uchastkalarida ovoz berib bo‘lgani, Toshkent viloyati hokimi Davron Hidoyatov, Qashqadaryo viloyati hokimi Zoyir Mirzayev, Samarqand viloyati hokimi Erkinjon Turdimov, Farg‘ona viloyati hokimi Xayrullo Bozorov, Surxondaryo viloyati hokimi To‘ra Bobolov hamda 126 yoshli Xuvaydo momo o‘zi tanlagan munosib nomzodga ovoz bergani haqida xabar berilgandi.
