Olimlar global iqlim isishi tufayli Yerda hayot chidab bo‘lmas darajaga yetishidan ogohlantirdi
Shuningdek, 2021 yil yozi ob-havo kuzatuvlari tarixidagi eng issiq mavsum bo‘lganini maʼlum qilingan.
Olimlar global issiqlik tufayli Yer sayyorasida hayot chidab bo‘lmas darajaga yetishini taxmin qildi. Bu haqda phys.org sayti xabar berdi.
Ekspertlarning so‘zlariga ko‘ra, AQSHdagi Ajal vodiysidan tortib Yaqin Sharqqacha hamda Hindistondan Sahroyi Kabirgacha bo‘lgan hududda yashaydigan odamlar hozirning o‘zidayoq o‘ta noqulay ob-havoni his qilmoqda. Agar bunga qarshi chora ko‘rilmasa, sayyoraning boshqa qismlarida ham yashash og‘irlashadi.
Iqlim bo‘yicha ekspert Zik Xausfazerning taʼkidlashicha, iqlim o‘zgarishi tufayli favqulodda hodisalar yuz berishi holatlari ko‘payib boradi. Xususan, Kaliforniyadagi Ajal vodiysida shu yilning yozida harorat rekord – 54.4 darajani tashkil etgan. Bu Yer sharida zamonaviy vositalar yordamida qayd etilgan eng yirik ko‘rsatkich. Shuningdek, AQSH Okean va atmosfera tadqiqotlari milliy boshqarmasi 2021 yil yozi ob-havo kuzatuvlari tarixidagi eng issiq mavsum bo‘lganini maʼlum qilgan.
Olimlarning qayd etishicha, iqlim isishi intensiv qurg‘oqchilikka, o‘rmon yong‘inlari, bo‘ronlar va toshqinlarga olib keladi. Iliq to‘lqinlar ko‘payishi qishloq xo‘jaligiga halokatli taʼsir qiladi va odamlar uchun o‘lim xavfini oshiradi.
“Iliq oqimlarning quruqlikka yaqinlashi tufayli minglab qurbonlar berilishi mumkin”, – degan Pyer-Simon Laplas instituti direktori Rober Votar.
Olimlar haroratning ikki darajaga ko‘tarilishi bu kabi holatlarning har besh yilda takrorlanishidan ogohlantirgan.
Bundan avval Myunxenda iqlim o‘zgarishiga qarshi namoyish o‘tkazilgani hamda YouTube va Google iqlim o‘zgarishini inkor qilgan sahifalarni bloklashi xabar qilingandi.
